;
  • LOGIN
  • No products in the cart.

ازاى تحط خطة عمل لشغلك ؟؟

ستة خطوات عشان تحط خطة عمل لشغلك ؟

============================

 افهم هيكل الشغل اللى هتعمله و الاسياسيات الخاصة بيه

أ- اول نفطة لازم تجهز وصف دقيق للشغل بتاعك او مشروعك , السوق , المنتجات المطلوبة , وطريقة الادارة الخاصة بيه
ب- لازم تعمل تحليل للسوق اللى انت نازله ,, القوة الشرائيه ,, احتياجات الفئه المستهدفه اللى هما زباينك ,, و المنافسين ليك
ج- الادارة الماليه .. لو بتفتح مشروع جديد لازم تعمل دراسة مبدئيه عن راس المال المطلوب لانجاح مشروعك و هل هتقدر تمول المشروع من مالك الخاص ولا هتحتاج تمويل خارجى ! ,, و حاول مضخمش فى المصاريف ولا تقلل منها ( خليك واقعى جدا )
(نصيحة خاصة بالنقطه الاولى : لا تعتبر فكرة سيئه لو واجههت مشكلة فى اى نقطه انك تسأل حد عنده خبرة فى المجال المطلوب لمشروعك او انك تنمى مهارات عن طريق النت او القراءة او الدراسة)

اكتب افكارك و اهدافك : ناس كتير جدا اكدت ان لو معاك ورقة و قلم وانت بتفكر فى مشروع ده بيساعدك بنسبه كبيرة فى الابتكار و تحديد الاهداف من مشروعك و خلق الافكار .. ابدأ بكتابه افكارك على الورق ,, و ابدأ اكتب بعض متطلبات الشغل زى الاماكن المناسبه؟ عدد العماله و مرتباتها ؟ ,, الحاجات اللى ممكن تواجههك و المشاكل المتوفعة

ابدأ بشراء عينة للمنتج اللى هتبيعه : لازم تبقى عارف كل حاجه عن المنتج اللى هتقدمه للناس نقاط القوة اللى هتعتمد عليها فى الدعاية و التسويق نقاط الضعف و هل هتأثر على قوة البيع عندك ؟

طريقة التسويق : لازم تحط ميزانيه خاصة للتسويق و تهتم بيها جدا و احنا هنا بنأكد على اهميه التسويق الالكترونى و قولنا الكلام ده فى اكتر من مشروع .. لان التسويق الالكترونى الاقل تكلفه و الاكثر انتشارا

وضع هيكل للادارة : لازم تعرف المهمات المطلوبه و الوظائف اللى هيحتاجها مشروعك عشان ينجح و فى بداية المشروع لتقليل التكلفة اختار بمدأ الاهم ف المهم و حاول القيام بأكثر من دور بنفسك فى الاول بس على الاقل منها تاخد خبرة و توفر مصاريف

العملية نفسها : و دى معناها يختلف على حسب كل مشروع على سبيل المثال مطعم يعنى بنتكلم عن شيف و طريقة الطبخ ,, محل بيع منتجات بتكلم عن اسلوب البيع و طريقة الاقناع و اظهار المنتج ,, تصنيع شئ زى الموبليا بنتكلم عن جودة الخامات و الفينيش للصنايعى .. لازم نفهم جامد فى العمليه نفسها لان دى اساس مشروعك

( وضع خطة لاى مشروع هى عملية سهله و متكررة فى مشاريع كتير على اختلاف انواعها و لكن فى نقساط رئيسيه مش بتخرج عنها مهما اختلفت التفاصيل 1- وصف مشروعك ,, 2- تحليل السوق ,, 3- الهيكل التنظيمى و الادارى ,, 4- المنتج او الخدمه المقدمة ,, 5- التسويق و المبيعات ,, 6 -التمويل،، ووضع جدول زمنى واضح لمشروعك

(.. احنا وضحنا النقاط الاساسية اللى تنفع انك تحط بيها خطة اى مشروع لو عرفت تتقنهم )

جميع الحقوق المحفوظة لشباب رواد الأعمال

الموضوع كتابة جاليليو

زوروا صفحتنا فى مواقع التواصل الاجتماعى بإسم

YOUTH ENTREPRENEURS

 

0 responses on "ازاى تحط خطة عمل لشغلك ؟؟"

Leave a Message

Your email address will not be published.

top

Setup Menus in Admin Panel

error: Content is protected, your ip and details is sent to admin !!